🏥 Hospital Pediátrico «Niños de Acosta Ñu» celebra hoy 23 años de vida institucional.
El director Héctor Castro destacó el trabajo de todos estos años para lo que hoy en día es el principal centro de atención especializada para niños y jóvenes.
➡️ https://t.co/wPckbifoX7 pic.twitter.com/ugM4qVDsdC
— IP Paraguay (@IPParaguay) May 31, 2024
Asunción, Agencia IP.- Tasyo Acosta Ñu ogueromandu’a ko 31 jasypokõime, 23 ary ha’égui pe tasyo ituichavéva oñangarekóva mitãnguéra ha mitãrusukuérape rehe.
Ko tasyo tuicha mba’e oñangareko hag̃ua mitãnguéra hasýva ikatúva ha’e oncológico térã neurológico. Avei, ojejapo upépe heta cirugía compleja, he’iháicha moakãhára Dr. Héctor Castro.
Oñepyrũ guive peteĩ tenda ome’ẽva’ekue Tetã Ñangareko Motenondeha (MDN). Upépe oreko hikuái 20 tupa, ha okakuaávo pe tasyo oguerekóma 200 tupa ko ára peve.
Mayma ara 400 mitãnguéra oho Urgencias-pe ñande retã pukukue guive.
“Upéicha ore roñangareko pe mitã ha pe tapicha ohóva hendive avei. Rome’ẽ tembi’u ha tupa pe mitã hasýva ykére, ikatu hag̃uaicha isy opyta hendive. Avei, roguereko peteĩ albergue 40 ogayguakuérape g̃uarã pe mitã okuera peve térã iporãve peve”, omomarandu Dr. Castro.
Pe tasyópe heta okakuaa pe pandemia COVID-19 rire Taiwán ñeipytyvõ rupi. Hetave oĩ la tupa ha umi terapia intensiva, oncología ha internación tenda ipyahuvéma.