Asunción, Agencia IP.- Ministerio de Obras Públicas y Comunicaciones (MOPC) omba’apo hína omoporãve hag̃ua pe Mayor ysyry jehasaha táva San Ignacio-pe, tetãvore Misiones.

Ko tembiapo, ipukúta 18 jasy rupi, omotenonde hína consorcio Santa Rosa, ha oheka ombohetave seguridad vial umi oikóva upérupi ha oipurúva tape PY01 omyengoviávo upe jehasa oĩva.

Ko consorcio omotenonde tape ombojoajúva San Juan Bautista (Misiones) Encarnación (Itapúa) ndive, péva contrato Crema Malla Sur, oñeñangarekóvo 167,9 kilómetro tape rehe.

Consorcio SPDYD ha’e pe ojesarekóva umi tembiapo, ombojeroviaukaumi opa mba’e ojejapo porã, omomarandu MOPC.

Ko tembiapo omoviruporukuaa Banco Mundial rupi, ojeporupy BIRF 8638 PY kuri ha omomba’eguasu oreko haguére enfoque participativo, omokyre’ỹvo kakuaa ha oñemoakãrapu’ã hag̃ua opaite avarekoha ijerére.