Asunción, Agencia IP.- Ministerio de Economía y Finanzas (MEF) ikuaaka umi veterano ha heredero Guerra del Chaco-gua okobra hetavéta hína ko jasy guive. Ko pensión ojejupíva oiméma kuri Léi Presupuesto General de la Nación (PGN) 2025-gua ryepýpe.

He’iháicha Art. 166° Léi PGN 2025, veterano, lisiado ha heredero kuéra Guerra del Chaco-gua okobráta G. 2.583.048, ojoajúva 24 jornal mínimo diario rehe.

Avei, Art. 168° omopyenda pensión mensual ha asistencia social veterano ha lisiado-kuérape g̃uarã añónte, ohupytýva G. 6.027.112, ha ojoajúva 56 jornal mínimo diario rehe.

Ary 2024 ha 2025, ojupi kuri ko beneficio veterano kuérape g̃uarã. Pensión ha subsidio ary ohasávape ha’e kuri G. 8.247.280, hakaru ko ary guive ha’éta G. 8.610.160, G. 362.880 hetave.

Umi veterano heredero kuérape g̃uarã, pensión ojupi avei G. 108.864, oguahẽva G. 2.583.048.

Ko’ág̃a, nómina-pe oime 3 veterano Guerra del Chaco-gua ha 4.501 heredero.