Asunción, Agencia IP.- Tetã Rembiapo ha Marandu Motenondeha (MOPC) omba’apo tapére avarekoha Yakye Axa-pe, ojerureháicha Corte Interamericana de Derechos Humanos (CIDH). Ko tembiapo oñemohu’ãta julio-pe.

Noviembre 2023-pe, MOPC omohu’ã icontrato empresa constructora Sánchez Tripoloni Ltda. ndive, ha ome’ẽ hikuái pe tembiapo ojejapo va’erã consorcio Rutas del Norte.

Ko tembiapo ñepyrũ oiko 20 de marzo ary ohasava’ekuépe, ha consorcio Rutas del Norte ojapo arã pe Diseño Ejecutivo avarekoha taperã, oikéva pe oñepyrũ guive 10+450 opa jave 33+462, peteĩ tape orekóva 23 km.

Ko diseño ojehechauka kuri 20 de mayo ary ohasava’ekuépe, ha Tetã Rembiapo ha Marandu Motenondeha (MOPC) he’íma ikatuha oñepyrũ umi tembiapo. Upéi, oñemoingeta peteĩ adenda pe contrato-pe ojeguerekóva consorcio Rutas del Norte ndive, omotenondéva Lote 1 tape Pozo Colorado-Concepción.

Tuicha mba’e ko’ã tembiapo ojejapóva, ohechauka haguére Tetã Rekuái ñe’ẽme’ẽ ojapo hag̃ua umi organización internacional ojerureháicha. Avei, omoteko porãve umi tapichakuéra oikotevẽvéva.

Avarekoha Yakye Axa ryepýpe oiko 60 ogayguakuéra (300 yvypóra) are guivéma oiko Tape PY05 Pozo Colorado – Concepción ykére, km 349-pe, tetãvore Presidente Hayes-pe.