Asunción, Agencia IP.- Umi pago social ha salario kuéra jasy julio rehegua oñepyrũta ko’ẽrõ, he’iháicha Tetã Viru Mohendapy Motenondeha (MEF). Ko’ã ojejapóta miércoles 31 peve.

Veterano Guerra del Chaco rehegua, adulto mayor ha pensionado kuéra okobráta miércoles-pe, hakatu jueves-pe okobráta umi jubilado Caja Fiscal rehegua.

Viernes 26-pe okobráta umi funcionario administrativo ha umi omba’apóva tasyópe. Lunes 29-pe okobráta umi mba’apohára Fuerza Pública rehegua, ha avei umi omba’apóva Poder Judicial-pe ha Gobernación kuérape.

Upéi, martes 30-pe okobráta umi mbo’ehára ha mba’apohára Tekombo’e ha Tembikuaa Motenondeha (MEC) rehegua ha ñane retã mbo’ehaovusu kuéra. Miércoles 31-pe okobráta umi hembýva.