Asunción, Agencia IP.- Y ha Tekoharesãi Paraguaigua Kuave’ẽmby (ESSAP) oikuaaka mba’épa ikatu ojapo umi tapichakuéra oñemondáva hesekuéra imedidor, ikatu hag̃uaicha ndojehejái servicio’ỹre térã ndoñemultái hag̃ua.

• Rehenóike pya’e 021 162-pe: Upépe umi ESSAP-gua oñatendéta nde rehe, ha emombe’u chupekuéra mba’e oikóva. Upéicha, ojejapóta peteĩ conexión provisoria, ikatu hag̃uaicha ndojecortái ndéve pe suministro.
• Rehóke comisaría-pe hi’aguĩvéva ndéve ha ejapo pe denuncia: Rejapo arã pya’e, ha emombe’u umi polisíakuéra nde cuenta corriente ha ISSAN.
• Regueraha pe kuatia Centro de Atención al Público (CAP) ESSAP rehegua: Reguereko 3 ára regueraha hag̃ua nde denuncia ESSAP-pe. Upéicha, ndointervenimo’ãi hikuái conexión irregular rehe.
• Reikuaasevéramo ambue mba’e, rehóke CAP ESSAP rehegua.

Rejapo ramo ko’ã mba’e, pe servicio noñemoambuemo’ãi ha ndaiporimo’ãi complicación nde cuenta ndive. ESSAP omomba’eguasu ojejapo pya’e ko’ã mba’e oñemohenda porã hag̃ua oimeraẽ apañuãi ojoajúva medidor ñemonda rehe.