Asunción, Agencia IP.- Pohã Vai Ñemboykerã Sãmbyhyha (Senad) omba’apo hína omoinge hag̃ua jagua ikatúva otopa pohã vai, ikatu hag̃uaicha oipytyvõ hikuái omombarete hag̃ua terminal aérea, terminal de bus ha tetãkorapykuéra ñane retã rehegua.

Umi jagua’ikuéra ha’e 5 raza pastor belga malonois ha labrador rehegua, omboporavóva Brigada de Adiestramiento Canino Policía de Investigaciones de Chile (PDI).

Avei, 5 agente especializado oĩ hína Chile-pe ojapo hag̃ua Curso de Formación de Guías de Ejemplares Caninos de Trabajo Policial, oikóva peteĩ cooperación internacional Senad ha PDI rupi.

Upéicha, oñeme’ẽta peteĩ jagua’i káda agente especial-pe g̃uarã omohu’ãvo hikuái pe curso.

Brigada de Adiestramiento Canino de la PDI, opytáva Aeropuerto Santiago de Chile-pe, ha’e peteĩ tuicha mba’e ñane región-pe omoarandu haguére umi guía ha jagua’ikuéra.

Sãmbyhyhára Senad rehegua, Jalil Rachid, omoñe’ẽme’ẽ omoĩvetaha hetave jaguakuéra ha guía Chile ndive rupi.