Asunción, Agencia IP.- Tetã Rembiapo ha Marandu Motenondeha (MOPC) omba’apóiti Misiones-pe omoporãve hag̃ua tape, ikatu hag̃uáicha umi oikóva upérupi oiko porãve.

Upéicha, ojejapo kuri carga ha rellenado de bache Coratei ha Ayolas pukukuére. Avei, ojejapo ko’ãichagua tembiapo Panchito López-pe, pe tape ombojoajúva Coratei, Baúles ha Yabebyry.

Avei, oñemba’apo oñemoporã hag̃ua pe tape ombojoajúva Laureles ha Yabebyry, ha pe tenda ojeikéva San Jorge guive Santa Rosa peve.

Mba’apohára kuéra MOPC rehegua omba’apo avei hikuái pe tape ombojoajúva Coratei ha Santa Librada táva Ayolas-pe, omoanyhẽ material umi tenda vai akue.

He’i hikúai kuri oñemba’apovetaha ambue tendápe, ikatu hag̃uáicha oñemoporãve manterei umi tape oĩva upérupi.